【香港】十大難忘經典新聞女主播

1.曾美華


被稱為「有線新聞之花」，做主播前係part time模特兒。給人感覺很專業及舒服，由於缺乏採訪經驗，佢一度希望喺工作上多啲嘗試，擺脫「花樽」形象。眾所周知佢嫁俾壹傳媒黎智英第二仔，2014年年尾結束主播生涯。

2.陸嘉敏

另一位80年代相當入屋嘅女主播，聲線甜美。好多人將佢同葉雅媛睇齊比較。葉雅媛及陸嘉敏表現專業淡定，佢哋亦都會跑新聞做採訪，當時啲市民見到佢哋，反應就好似見到明星咁。

3.李家文

李家文做主播前，由做記者開始，周圍跑，又經常駐北京，實戰採訪經驗豐富。當她上主播檯讀新聞時，你總會發現佢有「權威感」及「新聞感」。而家佢喺大學教新聞，喺新聞大後方作育英才。

4.張慧慈

ATV出過很多有名女主播，張慧慈係其中一個，不過最深刻反而嘅係佢過檔大台做娛樂時事節目主持。又出書，寫專欄，做培訓師，百足咁多爪。


5.李彤


ATV女主播當中，另一名難忘嘅就係李彤，採訪經驗相當豐富之餘，報道新聞亦都端莊，不失親切感。曾獲國家總理朱鎔基親自點名提問，喺香港及內地新聞界相當有名氣。



6.黃德如


靚女記者，樣子甜美，之後成為女主播。退下火線下嫁醫生，跟住做埋註冊中醫，喺中環開中醫診所。


7.葉雅媛

右手邊果位。1978年首位無綫新聞女新聞報道員，新聞系出身，係 80年代電視台新聞嘅台柱，美女主播嘅經典，到今時依然風姿綽約。左手邊果位係另一位主播李家文。


8.李汶靜


最難忘及值得尊敬嘅女主播之一，可以中文及英文新聞兩邊走，表現專業淡定。令人難忘嘅係喺六四事件之後一年，同袁志偉上京訪問李鵬，佢迴避唔望李鵬，唔同李鵬握手，被視為新聞良心。佢嘅出品多次獲取國際新聞獎項。可惜喺2000年因腸癌離世，係香港新聞界一大損失。


9.魏綺珊


佢都係先做記者，之後再做主播，有「美女主播」之稱，形象相當專業。佢係90年代最受歡迎嘅主播之一。魏綺珊一直都係舞台劇演員，跟聲樂老師學嗓音學，提升發聲技巧，好Pro！


10.方健儀


佢一定係近年最「入屋」嘅女主播，有智慧、有樣貌、談吐得體、聲音雄渾有力、有親切感，廣受大眾歡迎，儲埋儲埋好多粉絲。Akina離開了電視台之後，做講師、司儀、寫專欄、拍廣告，仲越嚟越型。唔好睇佢外表斯斯文文，佢內裡實情有好多攪笑因子。