大約係三丶四年前，仲記得果日係星期三下午3~4點左右，果陣岩岩見完工，係太子站上車一切都無咩異樣，上左向觀塘方向嘅車之後就開始執返整齊見工D野，列車亦都如常開出啦。
因為我係樂富就要落車，所以我都唔敢執得太忘我，都會聽實個廣播.....但我執執下聽到廣播"下一站太子，next station...." 心諗係車長播錯左，但係眼見其他乘客無咩特別反應，我都無理到，反正下一站係石硤尾，點知....
到左下一站，當我以為係石硤尾，點知又係太子！？我好驚訝但沒有意識到係果D野，可能係地鐵因為下班車未走所以兜左個圈？但係如果下班車未走，唔係應該會停低咩？我解釋唔到，可能係我少搭地鐵啦.....
其實本身諗住返到屋企send返封信叫地鐵解釋下，當增加下地鐵公司嘅工作量。打之前我就上網搵下有無人都發生過甘嘅事，點知原來並唔係我一個試過甘樣....而最心寒嘅係無人知道原因，亦有人話可能係異度空間等等....我愈睇愈心寒，當然send信嘅念頭亦打消左，唔敢搞甘多野....
沒有留言:
張貼留言
注意：只有此網誌的成員可以留言。