其實粵語是最接近唐朝的語言，讀詩的時候粵語更為押韻。可見粵語有被保留的文化價值。
文化是應該去維護而不是毀滅，而國家地區亦不需要一個出爾反爾的委書記。只會令政府更加墮落和沒有中國留存下來的美德。
一三五七九 ：無傷（雙）
一竹篙攬一船人：不分好歹
一步登天 ：大想頭
一拜深，二拜淺：過猶不及
一個銅錢分兩份：唔三唔四
一個酸梅兩個核：今時唔同往日
一個蘿蔔一個坑：冇多餘嘅
一家十五口 ：七嘴八舌
一隻田螺淪鑊湯：冇味
一頭霧水 ：不知宗
二奶仔（庶出）：低人一等
二叔公食芋頭 ：鬆又一個，鬆又一個（鬆，俗指溜走）
二叔公割禾 ：望下橛
二叔婆挖心 ：有分有數
二叔婆養豬 ：好心機
二花面頸 ：當場火爆
二馬同槽 ：必然打鬥
三十一錢分兩份：十五十六
三元宮土地 ：錫身
三斤孭二斤 ：勉力而為
三國盡歸司馬懿：獨撈
三腳凳 ：坐唔穩
三腳貓 ：唔頂用／唔使得
四方木 ：踢一踢，轆一轆
五十斤柴 ：一樂（絡）也
六月賞雪 ：白費心思
六月著皮袍 ：稱家之所有
七姐反宮衣 ：花樣隨時變
七個銅錢分兩份：唔三唔四
七婆蹶細妹 ：八婆
八十歲太公遇文王：發得遲
八十歲亞婆食狗肝菜：無事搵事害
八月十五個月光：正大光明
八仙過海 ：各顯神通
八面台口 ：難於應付
十五個水桶 ：七上八落
十月芥菜 ：起心
十月蔗頭 ：甜到尾
十字街頭貼告示：眾所周知
十個罌九個蓋 ：蓋極唔齊
千里送鵝毛 ：禮輕情意重
千尊菩薩一爐香：齊齊有請
大肚婆過獨木橋：挺而（兒）走險
大姑娘說媒 ：難開口
天堂尿壺 ：全神貫注
太公分豬肉 ：人人有份
孔夫子放屁 ：文氣沖天
孔明借箭 ：滿載而歸
日本郵船 ：遲早丸（完）
水瓜打狗 ：唔見咁節
水兵對水手 ：水鬥水
水浸缸瓦鋪 ：盆滿缽滿
火燒旗杆 ：長炭（嘆）／有排嘆
火燒豬頭 ：熟口熟面
火麒麟 ：周身癮
牛皮燈籠 ：點極都唔明
牛趙牡丹 ：食而不知奇味
王七個細佬 ：王八
冇耳茶煲 ：淨係得把口
冇耳藤喼 ：靠托
冇掩雞籠 ：自出自入
冬前臘鴨 ：隻瀨隻〔一隻Lun一隻〕
冬錢臘鴨 ：得個睇字
市橋蠟燭 ：假細芯
平洲奶媽 ：賺個肚
瓦簷獅子 ：叻到極
生蟲拐杖 ：靠唔住
生草藥 ：罯得就罯（噏）
生蟲枴杖 ：靠唔住
生曬蠔時 ：越曬越縮
田雞過河 ：各有各撐
白雲山一擔泥 ：眼闊肚窄
白鱔上沙灘 ：唔死一身潺
年卅晚謝灶 ：好做唔做
年晚煎堆 ：人有我有
成吉思汗打仔 ：大汗疊細汗
豬八戒照鏡 ：裹外都不是人
朱義盛 ：無變〔假野〕
竹織鴨 ：冇心肝／冇良心
老公潑扇 ：淒（妻）涼
老虎頭上釘蝨乸：自尋死路
老虎戴念珠 ：冒充善人
老婆擔遮 ：陰公
老鼠拉龜 ：冇町埋手
老舉埋年結 ：算數
兵光棍佬教仔 ：便宜莫貪
吞金滅宋 ：買打斧頭
床下底劈柴 ：撞板〔闖禍〕
床底破柴 ：撞正大板
投石落屎坑 ：激起公糞
沙頭角村長個女：李愛
灶君上天 ：有個句講個句
灶君跌落鑊 ：精（蒸）神
灶頭抹布 ：鹹濕
秀才手巾 ：包書
秀才遇著兵 ：有理說不清
抌石落屎坑 ：激起公憤
亞茂整餅 ：冇個樣整個樣
亞超著褲 ：焗住
亞蘭嫁亞瑞 ：累鬥累
亞聾送殯 ：唔聽你支死人笛...
和尚擔遮 ：無法無天
周身刀 ：冇張利
抬棺材甩褲 ：失禮死人
放虎歸山 ：後挽無窮
林黛玉葬花 ：自嘆薄命
泥水佬開門口 ：過得人，過得自己
泥菩薩過江 ：自身難保
狗上瓦坑 ：有條路走
狗仔坐轎 ：不識抬舉
狗捉老鼠 ：多管閑事
狐狸吵架 ：一派胡言
盲頭烏蠅 ：亂咁撞
空棺材出殯 ：木中無人
肥佬著笠衫 ：幾大就幾大
肥婆坐屎塔 ：耷耷撼／盦盦冚
金手指 ：篤人背脊
阿茂整餅 ：冇嗰樣整嗰樣
阿崩叫狗 ：越叫越走
阿崩養貓 ：轉性
阿超著褲 ：焗住黎
阿蘭嫁阿瑞 ：大家累鬥累
非洲和尚 ：乞人憎
南無佬跌落屎坑：冇曬符
城頭上跑馬 ：一味兜圈
姜太公釣魚 ：願者上吊
屎坑三姑 ：易請難送
屎坑關刀 ：文（聞）又唔得，武（舞）又唔得
屎忽窿生瘡 ：冇眼睇
扁鼻佬戴眼鏡 ：冇得頂
毒蛇噴豬籠 ：嘥氣
洗腳唔靺腳 ：草唔到錢
玻璃眼鏡 ：假精
皇帝女 ：唔憂嫁（價）
韭菜命 ：一長就割
風吹皇帝褲浪 ：孤鳩寒
風吹雞蛋殼 ：財散人安樂
飛蛾撲火 ：自取滅亡
飛機火燭 ：銷魂
飛機打交 ：高竇（鬥）
倒掛臘鴨 ：油嘴滑舌
海底石斑 ：好瘀
海軍鬥水兵 ：水鬥水
神仙放屁 ：不同凡響
神仙過鐵橋 ：包穩陣
神台桔 ：陰乾
神台貓屎 ：神憎鬼厭
紙紮下扒 ：口輕輕
茶樓搬家 ：另起爐灶
啞子吃黃蓮 ：有苦自己知
問和尚借梳 ：明知故問〔多餘〕
晨早放屁 ：朝氣勃勃
細路哥剃頭 ：就快就快
船頭尺 ：度水
豉油辣椒醬 ：你想點就點
豉油撈飯 ：整色整水
陳年中草藥 ：發爛渣
陸雲廷睇相 ：唔衰摞黎衰
魚片粥 ：啱啱熟
單眼佬睇老婆 ：一眼睇曬
寒山寺個鐘 ：遠近聞名（鳴）
寒天飲冷水 ：冷暖在心頭
廁所點燈 ：找屎（死）
棺材頂燒炮仗 ：嚇死人
棺材舖拜神 ：想人死
無掩雞籠 ：自出自入
無線電視記者 ：臨尾香〔林美香〕
畫蛇添足 ：多此一舉
番鬼佬月餅 ：悶極
吉他無線 ：無得彈
菠蘿雞 ：靠黐
買板唔知訂 ：自尋死路〔板：四塊半，訂：地方〕
開窗放空調 ：嘥冷氣
黃皮樹了哥 ：唔熟唔食
黃帝褲浪穿窿 ：孤九寒
黑白天鵝 ：日哦夜哦
黑白天鵝 ：常娥
落雨擔遮 ：死擋（黨）
跪地喂豬乸 ：睇錢份上
隔夜油炸鬼 ：冇火氣
雷公劈豆腐 ：搵軟來蝦
電燈杉 ：指天篤地
鼎湖上素 ：好齋
壽星公吊頸 ：嫌命長
寡母婆死蹶仔 ：冇乜指（子）望
蒙古大汗 ：忽必烈，屁股開花
蒙古王打仔 ：大汗耷細汗
蒸生瓜 ：腎腎地
鼻哥窿擔遮 ：避無可避
劉姥姥入大觀園：眼花瞭亂／花多眼亂
劉備借荊州 ：一借無回頭
幡桿燈籠 ：照遠唔照近
撒路溪錢 ：吸引死人
潮州二胡 ：自己顧自己
潮州米舖 ：順義成〔信二成，都嫌多〕
潮州音樂 ：自己顧自己
賣布唔帶尺 ：存心不良
賣魚佬沖涼 ：冇曬聲氣
賣魚佬洗身 ：冇曬聲氣
賣鯇魚尾 ：搭嘴
賣魚佬洗身 ：冇腥氣
醉酒老數街燈 ：不知幾盞
蕃薯跌落炭爐 ：該煨
貓兒洗面 ：係咁意
貓哭老鼠 ：假慈悲
閻羅王出告示 ：鬼話連篇
閻羅王嫁女 ：鬼要／搵鬼要
閻羅王探病 ：問你死未
頭上插扇子 ：出風頭
濕水棉花 ：冇得彈
濕水欖核 ：兩頭瀄／周圍唧
醜婦終需見家翁：事事小心
韓信點兵 ：多多益善
斷柄鋤頭 ：冇摣拿
舊年通勝 ：唔值錢
雞食放光蟲 ：心知肚明
羅漢請觀音 ：人多好做事
鹹蛋滾湯 ：心都實曬
癩蛤蟆想食天鵝肉：痴心妄想
鐵木真打仔 ：大汗耷細汗
鐵拐李踢波 ：一腳踢
廚房階磚 ：咸濕
牀下底破柴 ：撞板
黃鱔上沙灘 ：唔死一身潺
沒有留言:
張貼留言
注意：只有此網誌的成員可以留言。