畢左業三年 前排大學同學聚會 見番三年前拍拖既EX 見到佢唔同左好多
GEL左頭 英倫稱身衣著 大隻左 講野有point 舉手投足都好有自信 諗番起三年前 佢係一個毒毒地既四眼男仔 所有衫都係over size 頭又唔梳 講野窒下窒下咁 而家竟然變左另一個人
自從同佢分手之後 我拍過幾次拖 個個事業有成 但無一個拍得長的 其實我都不時掛住當時同EX純真既愛情 見到佢 我即刻有D後悔
個聚會大家講下近況 食個飯就好快完結 本來我都係諗住靜靜地後悔下就算 點知走果陣EX主動問我去唔去飲野 傾下計
我嚇左一跳 因為當年分手佢好傷心 仲del哂我D聯絡facebook 我果時唔知痴左邊條線 話OK AR 佢竟然叫我上車 我呆左呆 原來佢買左架車
之後佢就車我去一間清bar到飲野
氣氛無我諗咁嚴肅 佢講野幽默左好多 仲話自己入左間大公司做 相處好似仲開心過當年 我果時有諗過 如果同佢拍番拖應該都唔錯
時間過得好快 我都飲左三杯long island 講講下無啦啦講起感情事 佢問我好多野 而家有冇拍拖呀 分手之後拍過幾次拖呢
但我唔知點解想隱瞞 就話冇拍呀 單身左三年 佢哦左一聲 我諗住俾多D暗示 等佢追番我 就料下佢隻腳啦
點知佢無咩反應 仲突然之間笑左一笑 拎左部電話出黎 電話係佢同一個幾白 幾靚既女仔既親蜜合照
佢話呢個係佢分手之後既女朋友 到而家已經拍左三年 我當堂覺得有D SAD 點解佢有女朋友仲專登搵我單獨飲酒呢? 佢知唔知咁做會好易引起女仔誤會架?
我果時已經黑黑地面 點知佢望下部電話 又望下我話"呢三年黎你黑左好多喎 成日曬太陽呀? 運動look唔岩你喎"
我已經冇哂心情求其應佢 點知佢又講笑咁話:"小心D冇人要呀, 都29歲人啦"
我冇辦法還擊 後來我一路聽佢講佢女朋友d sweet野 一路聽佢若有若無咁串我
最後嬲到爆炸 串我串到出哂面 我都唔記得最後點 只係記得我嬲爆爆講左句 祝你快啲做爸爸 之後就自己一個搭的士番屋企!
D男人真係小器 分手咁耐仲要報復
沒有留言:
張貼留言
注意：只有此網誌的成員可以留言。