肉酸港爸港媽茶餐廳搞百日宴，一眾親戚未食飽已一肚氣！

「親子王國」最近出現一個貼文，一位網民老爺去完親戚搞百日宴，點知當親戚收齊利是後，居然帶叔伯兄弟們去左茶餐廳食百日宴，仲好豪甘叫大家隨便點，激到個個彈起。



原文：

62 那邊的親戚， 有小孩出世請了很多叔伯兄弟參加百日宴，約左在他大角咀家住地址樓下等， 大家到齊先落樓， 收左我62 $600 蚊利是，仲有d親戚封左$800-1000 蚊， 都係d 老長輩，但他帶住全部人行入一間茶餐廳！！！！ 





仲叫： 大家任點啦！！ 



 結果就係乾炒牛河咁樣的一餐！ 激到我62 cc 下。 

係咪賺到盡呢！！ d 老人家就怨言，錢銀上有需要咪出聲lor， 搞餐百日宴來呃飯食， 無謂。 

我自已無咩經驗， 因為我bb 百日宴時我只係一家人在酒樓食了餐飯， 無請全部親朋戚友， 但我聽朋友講， 話搞百日宴通常都要自己掏荷包，收禮物和利是係cover 唔到餐飯， 主要想熱鬧慶祝為開心先搞。

網友回應：

茶餐廳……唔係咁攪笑呀……

咁樣好肉酸。。。唔攪好過

仲難睇過係m記攪……

做得出嗰下勁



咁型？！係咪個阿伯自己請自己朋友食飯慶祝個孫出世咋？即係BB同BB父母唔到，閱係正式果D？



前所未聞,大開眼界呀,去酒樓一圍都不是很多錢,平晚都平啦





不少家長都指主人家的做法「肉酸」，更有人指「前所未聞，大開眼界」，因現時在酒樓設宴，費用不會太多，不明何以主人家冒著被人「唱一世」的危險，仍要在茶餐廳設宴。有網民亦建議賓客，當時應群起叫喊：「回水，回水！」或叫外賣取走，以彌補禮金的差價。